Azərbaycan filmi “Banu” Kalqari Avropa Film Festivalında nümayiş olundu. Kanadanın Kalqari şəhərində fəaliyyət göstərən Alberta Azərbaycan Mədəniyyəti Cəmiyyətinin üzvü Pərvin Abdullayevanın təşkilatçılığı ilə baş tutan film nümayişi Diasporla İş üzrə Dövlət Komitəsinin maliyyə dəstəyi ilə həyata keçirilib. Bu barədə sosial mediadakı paylaşımında Pərvin Abdullayeva bildirib. Filmin nümayişi 30 ilə yaxın işğalda qalan torpaqlarımızın azad olunduğu ərəfəyə – Zəfər Gününə təsadfüf edib.
Qeyd edək ki, premyerası 2022-ci ildə gerçəkləşdiriləm filmin rejissoru və baş rolun ifaçısı Təhminə Rafaelladır. Filmdəki hadisələr 44 günlük Vətən müharibəsi fonunda cərəyan edir.
