Trump: “Birlikdə nə möhtəşəm bir Millət olardı!!!”
“Kanadanın ABŞ-ın bir hissəsi olacağına zərrə qədər də şans yoxdur. Hər iki ölkədəki işçilər və icmalar bir-birinin ən böyük ticarət və təhlükəsizlik tərəfdaşı olmaqdan faydalanır”.
Bunu öz İnstagram səhifəsində Kanadanın baş naziri Castin Trudo (Justin Trudeau) bildirib.
Qeyd edək ki, bu ilin yanvarın 20-də prezident kürsüsünə çıxacaq Donald Tramp dəfələrlə öz sosial şəbəkə hesablarında Kanadanın gələcəkdə Amerikanın 51-ci ştatı ola biləcəyinə işarə vurub. Trudonun Liberal partiyasının liderliyindən istefa verməsindən sonra dünən də Tramp Truth sosial şəbəkə hesabından bildirib ki, Kanadada çoxları Amerikanın 51-ci ştatı olmaq istəyir: “Əgər Kanada ABŞ ilə birləşsəydi, gömrük rüsumları olmazdı, vergilər xeyli azalar və onlar Rus və Çin gəmilərinin daim ətraflarında yaratdığı təhlükədən TAM SIĞORTALANMIŞ olardılar. Birlikdə nə möhtəşəm bir Millət olardı!!!”.
