Bu il Forbes siyahısında ümumilikdə 76 kanadalı yer alıb. Kanadanın milyarderlərinin əksəriyyəti ölkədə yaşayır: 20-si Toronto, 13-ü Montreal, 6-sı isə Vankuverdə məskunlaşıb.
“Forbes”in “Dünyanın Milyarderləri” siyahısının son nəşrinə əsasən, dünyanın ən varlı adamı Amerikadandır.
Bəs dünyanın ən varlı kanadalısı kimdir?
Bu şəxs Changpeng Zhaodur. 2017-ci ildə Binance adlı kriptovalyuta birjasını təsis etmiş Çin əsilli proqramçıdır. O, 2023-cü ilə qədər CEO vəzifəsində çalışıb, daha sonra istefa verərək ABŞ-da pul yuyulması ittihamını etiraf edərək, 4 ay həbsdə olub. Bloombergin xəbərinə görə, bu müddətdə idmanla məşğul olub, kitab yazıb və digər məhbuslarla kriptovalyuta barədə danışıb.
Dünyanın ən varlı 4 adamı
“Forbes”in məlumatına görə, Zhaonun sərvəti 62.9 milyard ABŞ dollarıdır, bu da onu dünya üzrə olan siyahıda 24-cü yerə çıxarır. Siyahının ilk dörd pilləsində isə Elon Musk, Mark Zuckerberg, Jeff Bezos və Larry Ellison qərarlaşıb – onların ümumi sərvəti 1 trilyon ABŞ dollarına yaxınlaşır.
Qeyd: Elon Musk Kanadanın da vətəndaşıdır, lakin Forbes onu amerikalı kimi təqdim edir.
Kanadalı qadın milyarder
Siyahıda Zhaodan sonra gələn ikinci şəxs Sherry Brydsondur. O, medianın banilərindən Roy Thomsonun nəvəsidir və 16.7 milyard dollarlıq sərvəti ilə dünya sıralamasında 125-ci yerdədir. Bloombergə görə, Brydson ailə biznesinin 23 faizinə sahibdir. Brydson, həm də siyahıda yer alan 11 qadın kanadalı milyarder arasındadır.
Siyahıdakı növbəti kanadalı milyarderlər
David Cheriton (13.5 milyard $) – Stanford Universitetinin emeritus professoru, 1990-cı illərdə “Google”a 100,000 $ yatırım edib. Dünya sıralamasında 163-cü yerdədir.
Joseph Tsai (11.8 milyard $) – “Alibaba”nın həmtəsisçisi, Tayvan əsilli Kanada vətəndaşı.
Jim Pattison (11.4 milyard $) – 96 yaşlı sahibkar, Jim Pattison Groupun sahibi və CEO-su, Vankuverdə yaşayır və Canfor şirkətinə də nəzarət edir.
Ən yaşlı kanadalı milyarderlərdən biri 97 yaşlı Jean Coutudur (3.5 milyard $), Kvebekdə dərman mağazaları şəbəkəsinin banisidir.
Siyahının sonunda isə 99 yaşlı Stephen Jarislowsky (1.5 milyard $) yer alır.
Ümumilikdə “Forbes”in dünya üzrə siyahısında 3,028 milyarder yer alıb. İlk dəfədir ki, siyahıda bu qədər çox milyarder var (1987-ci ildə cəmi 140 nəfər idi).
Ən çox milyarder olan ölkələr:
ABŞ – 902
Çin – 516
Hindistan – 205
Kanadadakı milyarderlər hansı şəhərlərdə yaşayır?
Qeyd edək ki, kanadalı milyarderlərin əksəriyyəti ölkənin üç böyük şəhərində yaşayır: Toronto (20 nəfər), Montreal (13), Vankuver (6).
Digər şəhərlərdə yaşayanlar:
Edmonton – Daryl Katz (dərman biznesi)
Burlington, Ont. – Michael Lee-Chin (investor)
Ottawa – Bill Malhotra (Claridge Homesun banisi), Terrence Matthews (telekommunikasiya)
Oakville, Ont. – Mark Miller (Constellation Software-in baş əməliyyat direktoru)
Windsor – Barry və Clayton Zekelman (polad sənayesi)
Kanadalı milyarderlərin digər yaşayış yerləri Florida, Kaliforniya, Honq Konq, İsveçrə və Man Adasıdır.
Foto: Forbes
