Ontarioda qızılca xəstəliyinin yayılmasında kəskin artım müşahidə olunur. Əsasən peyvənd olunmamış insanlar arasında yayılan bu xəstəlik vilayətdə sürətlə yayılmağa davam edir.
Ontario Səhiyyə İdarəsi bildirir ki, ötən ilin 28 oktyabrında başlayan epidemiya nəticəsində ümumilikdə 372 yoluxma qeydə alınıb. Bu, agentliyin sonuncu 27 fevral hesabatından sonra 195 yeni yoluxma deməkdir.
Yoluxmalar nəticəsində 31 nəfər xəstəxanaya yerləşdirilib, onlardan biri – bir uşaq – reanimasiya şöbəsində müalicə alıb. Xəstəxanaya yerləşdirilənlərin 30-u peyvənd olunmayıb, bir nəfərin isə immunizasiya statusu məlum deyil. Yeni yoluxmaların demək olar ki, hamısı ilk dəfə Nyu-Brunsvikdə qeydə alınmış və daha sonra Manitobaya yayılan provinssiyalararası epidemiya ilə əlaqəlidir.
Ontarioda daha 7 bölgədə yoluxma halları qeydə alınıb və bununla da yoluxma halları olan bölgələrin sayı 11-ə çatıb. İnsanlara restoranlar, ərzaq mağazaları, icma mərkəzləri və Toronto Pearson Beynəlxalq Hava Limanı kimi ictimai yerlərdə yoluxma riski barədə xəbərdarlıq edilib.
Xəstələrin yarısı Cənub-Qərbi Ontarioda qeydə alınıb. Bundan əlavə, Grand Erie bölgəsində yoluxmaların təxminən 27 faizi aşkar edilib.
Qızılcanın əlamətləri
Qızılcanın əlamətləri bunlardır:
- Yüksək hərarət
- Qırmızı ləkəli səpkilər
- Qızarmış və sulanan gözlər
- Öskürək
Son beş ayda Ontarioda qeydə alınan qızılca halları, 2013-2023-cü illər arasında sözügedən xəstəliyə tutulanlardan təxminən dörd dəfə çoxdur.
AP Photo/Elaine Thompson, File
