Qatarın saatda 300 km sürətlə getməsi nəzərdə tutulur

Toronto ilə Kvebek şəhəri arasında sürət qatarının çəkilməsi planlaşdırırlır. Bu gün baş nazir Jastin Trudo Montrealdakı çıxışında bildirib ki, “etibarlı və səmərəli sürətli qatar şəbəkəsi kanadalıların səyahət müddətlərini yarıya endirərək, sizi Torontodan Montreala üç saata çatdıracaq”.

Federal hökumət, Toronto ilə Kvebek şəhəri arasında planlaşdırılan əlaqəni inkişaf etdirmək üçün yeni maliyyələşdirməni bu gün elan etdi. “Alto” adlandırılan bu layihə, elektriklə işləyən qatarların 1,000 kilometrlik dəmir yolu boyunca saatda 300 kilometr sürətlə sərnişinlərin daşınmasını nəzərdə tutur.

Trudo, qatarın Laval, Trois-Rivieres, Montreal, Ottava və Peterboroqda dayanacağını bildirdi.

Nəqliyyat naziri Anita Anand, federal hökumətin layihənin son inkişaf mərhələsi üçün beş il ərzində 3.9 milyard dollar xərcləyəcəyini və Cadence konsorsiumunun layihəni birgə dizayn etmək, tikmək, maliyyələşdirmək, idarə etmək və saxlamaq üçün seçildiyini açıqladı.

Bu maliyyələşdirmə, 2024-cü il büdcəsindən ayrılan 371.8 milyon dollara əlavədir.

Anand bildirib ki, Toronto ilə Kvebek şəhəri arasındakı dəhliz, Kanadanın iqtisadi inkişafının təməl daşıdır.

Layihənin prezidenti Martin İmbleauya görə, rəsmi razılaşmalar yaxın həftələrdə Cadence ilə yekunlaşdırılacaq və inkişaf mərhələsi başlayacaq.

Foto: AI